శ్రీ శైల మల్లికార్జున సుప్రభాత స్తోత్రమ్

 

కలాభ్యాం చూడాలం - కృత శశిక లాభ్యాం నిజతపః
ఫలాభ్యాం భక్తేషు - ప్రకటిత ఫలాభ్యాం భవతుమే |
శివాభ్యా మస్తోక - త్రిభువన శివాభ్యాం హృది పునర్భ
వాభ్యా మానంద - స్ఫురదనుభ వాభ్యాం నతిరియమ్.  
నమస్తే నమస్తే మహాదేవ! శంభో !
నమస్తే నమస్తే దయాపూర్ణ సింధో !
నమస్తే నమస్తే ప్రపన్నాత బంధో !
నమస్తే నమస్తే నమస్తే మహేశ.
శశ్వ చ్చీరిగిరి మూర్దని త్రిజగతాం - రక్షాకృతం లక్షితాం |
సాక్షా దక్షత సత్కటాక్ష సరణి - శ్రీ మత్సు ధావర్షణీమ్ |
సోమార్దాంకిత మస్తకాం ప్రణమతాం - నిస్సీమ సంపత్ప్రదాం |
సుశ్లోకాం భ్రమరాంబికాం స్మిత ముఖీం - శంభోస్సఖీం త్వాంనుమః
మాతః! ప్రసీద సదయా భవ భవ్యశీలే !
లీలాలవాక లిత దైత్యకులాపహారే !
శ్రీచక్ర రాజనిలయే ! శ్రుతి గీతకీర్తే !
శ్రీ శైలనాధ దయితే తవ సుప్రభాతమ్.
శంభో ! సురేంద్రనుత ! శంకర ! శూలపాణే !
చంద్రావతంస ! శివ ! శర్వ ! పినాక పాణే !
గంగాధర ! క్రుతుపతే ! గరుడ ధ్వజాప్త !
శ్రీ శైలనాధ దయితే తవ సుప్రభాతమ్.
శ్రీ మల్లికార్జున ప్రపత్తిః
జయ జయ జయ శంభో జంభభి త్పూర్వదేవ-
ప్రణత పద సరో జద్వంద్వ ! నిర్ద్వంద్వబంధో !
జయ జయ జయ జన్మ స్థేమ సంహార కార !
ప్రణయ సగుణ మూర్తే! పాలయాస్మాన్ ప్రపన్నామ్  1
వధూముఖం వల్గ దపాంగ రేఖ - మఖండి  తానంద కర ప్రసాదమ్ |
విలోకయ న్విస్ఫుర దాత్మభావ - స్సమే గతిశ్శ్రీ గిరి సార్వభౌమః
కురంగ పాణిః కరుణావలోక - స్సురోత్తమశ్చంద్ర కలావతంసః |        
వధూ సహాయ స్సక లేష్ట దాతా - భవత్వసౌ శ్రీగిరి భాగ్యరాశిః  2
సంధ్యారంభ విజ్రుంభితం శ్రుతిశిర - స్థ్పానాంత రాధష్టితం |
సప్రేమభ్ర మరాభి రామవ సకృత్ - సద్వాసనాశో భితమ్ |
భోగీంద్రా భరణం సమస్త సుమనః - పూజ్యం గుణా విష్క్రతం |
సేవే శ్రీగిరి మల్లి కార్జునమహా - లింగం శివాలింగితమ్  3
యమూలం సచ రాచరస్య జగతః - పుంసః పురాణీ సఖీ |
వ్యక్తాత్మా పరిపాలనాయ జగతా - మాప్తావతారావళిః |
దుష్ట ధ్వంససదిష్ట దాన విధయే - నానాసనా ధ్యాసినీ |
శ్రీ శైలాగ్ర నివాసినీ భవతుమే - శ్రేయస్కరీ భ్రామరీ  4
యత్తేజః పరమాణురేత దఖిలం - నానాస్ఫు రన్నామభిర్ |
భూతం భావి భవచ్చరాచర జగ - ద్దత్తే బహిశ్చాంతరే |
సాసాక్షా ద్భ్రమరాంబికాశివ సఖీ - శ్రీ శైలవాసోత్సుకా |
దిశ్యా దాశ్రిత లోక కల్పలతికా - శ్రేయాంసి భూయాంసినః  5
శరణం తరుణేందుశేఖర - శ్శరణంమే గిరి రాజ కన్యకా |
శరణం పున రేవతావుభౌ - శరణం నాన్యదు పైమి దైవతమ్.
             ఇతి శ్రీ మల్లి కార్జున ప్రపత్తిః

శ్రీ వేంకటేశ్వర ద్వాదశ మంజరికా స్తోత్రమ్

 

శ్రీ కళ్యాణ గుణోల్లాసం మహౌజనం
శేషాద్రి మస్తాకావాసం శ్రీనివాసం  భజామహే  ||
వారాహవేష భూలోకం లక్ష్మీ మోహన విగ్రహం
వేదాంత గోచరం దేవం వెంకటేశం భజామహే  ||
సాంగానా మర్చితాకారం ప్రసన్న ముఖపంకజం
విశ్వ విశ్వంభరాదీశం వృషాధి శంభజామహే  ||
కనత్కనక మేలాడ్యం కరుణా వరుణాలయం
శ్రీ వాసుదేవ చిన్మూర్తిం శేషాద్రీ శంభజామహే ||
ఘనాఘనం శేషాద్రి శిఖరానంద మందిరం
శ్రీత చాతక సంరక్షం సింహాద్రీ శంభజామహే   ||
మంగాళత్రం పద్మాక్షం కస్తూరీ తిలకోజ్జ్వలం
తులస్యాది మనః పూజ్యం తారాగణ విభూక్త్వమే  ||
స్వామీ పుష్కరిణీ తీర్ధ సంవాసం వ్యాసార్చితం
స్వాంఘ్రీసూచిత హస్తాబ్జం సత్యరూపం భజామహే  ||
శ్రీమన్నారయణః శ్రీశం బ్రహ్మాండాసన తత్పరం
బ్రహ్మణ్యం సచ్చిదానంద మొహతీతం భజామహే ||
ఆంజనాద్రీ శ్వరం లోకరంజనం సువిరంజనం
భక్తార్తి భంజనం భక్త పారిజాతం తమాశ్రయే   ||
ఖిల్లీ మనోహర్యం సత్య మనంతం జగతాం విభుం
నారాయణా చలపతిం సత్వానంతం తమశ్రయే   ||
చతుర్ముఖత్ర్యంబకాడ్యం సన్నుతార్య కదంబకం
బ్రహ్మ ప్రముఖనిత్రానం ప్రధాన పురుషేశ్రయే ||
శ్రీమత్సద్మా సనాగ్రస్థ చింతితార్ధ ప్రదాయికం
లోకైక నాయకం శ్రీమద్వేంకటాద్రీ శామాశ్రయే ||
వేంకటాద్రి హరేస్తోత్రం ద్వాదశ శ్లోక సంయుతం
యఃవతే త్సతతం భక్త్యా తస్య ముక్తి : కరేస్థితా   ||
సర్వపాపాహారం ప్రాహు: వేంకటేశ స్త ధోచ్యతే:
త్వన్నామకో వేంకటాద్రి: స్మరతో వేంకటేశ్వరః
సద్యః సంస్మరణాదేవ మోక్ష సామ్రాజ్య మాప్నుయాత్   ||
వేంకటేశ్వర పద ద్వంద్వం ప్రజామి స్రశ్మరణం సదా
భూయా శ్శరణ్యోమే సాక్షాద్దేవేశో భక్తవత్సలః       ||
                                            శ్రీ వేంకటేశ్వర ద్వాదశ మంజారికా స్తోత్రమ్ సంపూర్ణం

శ్రీ ద్రాక్షారామ భీమేశ్వర సుప్రభాత స్తోత్రమ్

 

శ్రీ మద్దక్ష పురీవాస ! భీమేశ్వర ! మహాప్రభో !
భవచ్చరణ సాన్నిద్ద్యే - సుప్రభాతం మయార్పితమ్.
ఉత్తిష్టోత్తిష్ఠ భీమేశ ! ఉత్తిష్ఠ వృషవాహన !
ఉత్తిష్ఠ శివ ! గౌరీశ ! త్రైలోక్యం మజ్గళంకురు.
జయ దక్ష పురాధశ ! జయ శ్రీ వృషభ ధ్వజ !
జయ మాణిక్య దేవీశ ! త్రైలోక్యం మజ్గళంకురు.
మాత స్సమస్త జగతాం సుఖదానదక్షే !
భీమేశవామనిలయే ! శ్రిత పారిజాతే !
శర్వాణి ! దక్ష పుర నిత్య నివాసదీక్షే !
భీమేశ దేవదయితే ! తవ సుప్రభాతమ్.
తవ సుప్రభాత మర విన్దలోచనే !
భవతు ప్రసన్నముఖచన్ద్ర శోభితే !
విధవాసు దేవదయితే! తవ సుప్రభాతమ్ .
శర్వాణి ! సస్మితల సన్ముఖ చన్ద్ర బిమ్బే!
బిమ్బాధ రోష్టి ! పరి పూర్ణ కృపావలమ్బే !  
కాదమ్బికావన నివాసిని ! లోకమాన్యే !
భీమేశ దేవదయితే ! తవ సుప్రభాతమ్.  
శమ్పాలతాజ్గ ! శుభ కారిణి ! శాతకుమ్భ -
శమ్భత్ప్రభాజయ విరాజదురో జయుగ్మే !
శర్మ ప్రదాయిని శశాజ్కకళావతంసే !
భీమేశ దేవదయితే ! తవ సుప్రభాతమ్.
దేవేన్ద్ర మౌళిమణి రజ్జత పాద పద్మ -
సర్వాప్సరాభి నయశోభిత చత్వరాన్త -
భక్తార్తి పర్వత సువజ్రశివేళ ! శమ్భో !
భీమేశ దేవదయితే ! తవ సుప్రభాతమ్.
శ్రీ భీమనాధ ! కరుణాకర ! దీనబంధో !
శ్రీశాది దేవగణపాలిత ! లోకబంధో !
శ్రీ పార్వతీ వదన పజ్కజ పద్మబన్దో !
భీమేశ దేవదయితే ! తవ సుప్రభాతమ్.
బ్రహ్మాది దేవనుత ! దేవగణాధ నాధ !
దేవేన్ద్ర వన్ద్య మృదు పజ్కజపాద యుగ్మ !
దేవర్ష నారద మునీంద్ర సుగీత కీర్తే !
భీమేశ దేవదయితే ! తవ సుప్రభాతమ్.
హీరాది దివ్యమణి యుక్త కిరీటహార -
కేయూర కుండలల సత్కవ చాభిరామ !
భక్తార్చిత ! ప్రణవవాచ్య నిజస్వరూప !
భీమేశ దేవదయితే ! తవ సుప్రభాతమ్.
శ్రీదక్ష వాటపుర సంస్థిత దివ్యలిజ్గ !
త్రైలిజ్గ లింగ! త్రిగుణాత్మక ! శక్తి యుక్త !
వన్దారు బృందనుత ! వేదవనీ విహార !
భీమేశ దేవదయితే ! తవ సుప్రభాతమ్.      
పంచాక్షరాది మనుయంత్రిత గాంగతోయైః |
పంచామృతైః ప్రముదితేంద్రయు తైర్మునీంద్రైః |
పట్టాభిషిక్త ! హరియుక్త ! శివాశనాధ !
భీమేశ దేవదయితే ! తవ సుప్రభాతమ్.    
కైలాసనాధ ! కలిదోషమహాంధ్య సూర్య !
కంజాసనాది సురవన్దిత పాద పద్మ !
వేశ్యాప్రనృత్య పరితుష్ట మనోమ్బుజాత !
భీమేశ దేవదయితే ! తవ సుప్రభాతమ్.
అగ్రే వసంతితవ పాదతలే సుభక్త్యా !
దిక్పాలకా వినయనమ్ర శిరః ప్రయుక్తాః |
శమ్భో ! మహేశ ! ఇతి దేవ ! వదంతియేత్వాం !
భీమేశ దేవదయితే ! తవ సుప్రభాతమ్.
లింగాకృతే ! నిఖిలజీవ గణాత్మలిజ్గ !
గంగాధర ! ప్రమధ సేవిత దివ్య పాద !
భోగీన్ద్రహార ! పరిరక్షిత సాధులోక !
భీమేశ దేవదయితే ! తవ సుప్రభాతమ్.
శమ్భో ! శశాజ్కధర ! శజ్కర ! శూలపాణే !
స్వామిన్ ! త్రిశూలధర ! మోక్షద ! భోగదాయిన్ !
సర్వావతార ధర ! పాలిత జీవలోక !
భీమేశ దేవదయితే ! తవ సుప్రభాతమ్.
శ్రీ భీమనాధ ! హర ! దివ్యతలాధ వాస !
శ్రీ పార్వతీ హృదయ పజ్కజభ్రజ్గ రూప !
శ్రీ నీలకంట ! పర ! శర్వ ! ఉమేశ ! శమ్భో !
భీమేశ దేవదయితే ! తవ సుప్రభాతమ్.
కందర్పదర్ప హర ! కంజభవాది వన్ద్య !
గౌరీకుచామ్బురుహకుట్మలలోలదృష్టే !
భద్ర ప్రదాత్రభవ భక్తి సులభ్య ! దేవ !
భీమేశ దేవదయితే ! తవ సుప్రభాతమ్.
భస్మ ప్రలిప్త శుభదాయక దివ్యమూర్తే !
భస్మాసురాది ఖలమర్దనకమ్ర రూప !
గౌరీ వినిర్మిత సుభక్ష్య సుభోజ్యభోజిన్ !
భీమేశ దేవదయితే ! తవ సుప్రభాతమ్.
నన్దీ శవాహ ! నరకార్ణ వకర్ణ ధార !
నారాయణాది సుర సంస్తు తదివ్యనామ !
శ్రీదక్ష వాటపుర నిర్మిత దివ్య సౌధ !
భీమేశ దేవదయితే ! తవ సుప్రభాతమ్.
శ్రీ మజ్కణాది మునిభావిత దివ్య దేహ !
త్రయ్యంత వేద్య ! త్రిపురాన్తక ! శ్రీ త్రినేత్ర !
జ్ఞానార్ధ దాన పరినిష్టి తదివ్య చిత్త !
భీమేశ దేవదయితే ! తవ సుప్రభాతమ్.
వ్యాసాది పండిత వరస్తుత ! దివ్యచిత్త !
భక్తాళి దివ్య పద ప్రద ! భాసు రాజ్గ !
సంసార సార ! శివ ! శాన్త ! సురూప ! శమ్భో !
భీమేశ దేవదయితే ! తవ సుప్రభాతమ్.
ఉన్మీల్య నేత్ర యుగళం ద్విజబృంద మాశు |
పంచాక్షరీ జపసునిష్టి తదివ్య చిత్తమ్ |
ఆయాతితే పద సరోజ తలన్తు నిత్యం |
భీమేశ దేవదయితే ! తవ సుప్రభాతమ్.
తన్త్రీ నిబద్ద స్వరయుక్త వర్ణా |
గాయన్తి తేదివ్యచరిత్ర మారాత్ |
భక్త్యా నితాన్తం భవ నార దాద్యా |
భీమేశ దేవదయితే ! తవ సుప్రభాతమ్.
శ్రితాళి సత్కామ్య సుపారి  జాత |
శ్రీ విష్ణు చక్ర ప్రద భవ్య తీర్ధ |
శ్రీ సూర్య హస్తార్యితది దివ్య పాద !
భీమేశ దేవదయితే ! తవ సుప్రభాతమ్.
శ్రీబిల్వ పత్రార్చిత పాద పద్మ !
శ్రీ విష్ణు హృత్తామర సాభి రమ్య !
నాగేన్ద్ర భూషాప్రియ ! నాక వన్ద్య !
భీమేశ దేవదయితే ! తవ సుప్రభాతమ్.
శ్రీసప్త గోదావర హేమ పద్మై: |
సమ్పూజితుం త్వాంతు నితాన్త భక్త్యా |
ఆయాన్తి భక్తాశ్చ సుదూర దేశాత్ |
భీమేశ దేవదయితే ! తవ సుప్రభాతమ్.
శ్రీ సప్త గోదావర పూతనీరైః |
మూర్దాభి షిక్తేశ్వర ! మజ్గళాజ్గ !
శమ్భో మహాదేవ ! జగన్నివాస !
భీమేశ దేవదయితే ! తవ సుప్రభాతమ్.
ఇత్ధంవృష ధ్వజ విభోరిహ సుప్రభాతమ్.
యే సజ్జనాః ప్రతిదినం పటితుం ప్రవృత్తాః |
తేషాం ప్రభాత సమయే శివ భక్తి మాద్యాం |
ప్రజ్ఞాం సుముక్తి పదవీం శ్రియ మాశు దద్యాత్.
     ఇతి ద్రాక్షారామ భీమేశ్వర సుప్రభాతమ్

ఆపదుద్ధారక స్తోత్రమ్

 

ఆపదామ హర్తారం దాతారం సర్వ సంపదామ్ లోకాభి రామం శ్రీరామం భూయో భూయో నమామ్యహమ్ || నమః కోదండ హస్తాయ సంధీకృత శరాయచ దండి తాఖిల దైత్యాయ రామాయా పన్నివారిణే || 1 ఆపన్న జనరక్షైక దీక్షాయామిత తేజసే నమోస్తు విష్ణ వే తుభ్యం రామాయా పన్నివారిణే   2 పదాంభో జర జస్స్పర్శ పవిత్ర మునియోషితే నమోస్తు సీతాపతయే రామాయా పన్నివారిణే    3 దానవేంద్ర మహామత్త గజపంచాస్య రూపిణే నమోస్తు రాఘునాదాయ రామాయా పన్నివారిణే    4 మహిజాకుచ సంలగ్న కుంకుమారుణ వక్షసే నమః కళ్యాణ రూపాయ రామాయా పన్నివారిణే       5 పద్మ సంభవ భూతేశ ముని సంస్తుత కీర్తయే నమో మార్తాండ వంశ్యాయ రామాయా పన్నివారిణే    6     హరత్యార్తించ లోకానాం యో నా మధు నిషూధనః  నమోస్తు హరయే తుభ్యం రామాయా పన్నివారిణే  7 తాపకారణ సంసార గజ సింహ స్వరూపిణే నమో వేదాంత వేద్యాయ రామా యా పన్నివారిణే  8 రంగత్త రంగ జలధి గర్వ హృ చ్చర దారిణే నమః ప్రతాపరూపాయ రామా యా పన్నివారిణే   9 దారో పహిత చంద్రావతం సాధ్వాత స్వమూర్తయే నమః సత్య స్వరూపాయ రామా యా పన్నివారిణే  10 తారానాయక సంకాశ వదనాయ మాహౌ జసే నమోస్తు తాటకా హంత్రే రామా యా పన్నివారిణే 11
రమ్య సాను ల సచ్చిత్ర కూటాశ్రయ విహారిణే| నమ స్సౌమిత్రి సేవ్యాయ రామా యా పన్నివారిణే   12 సర్వదేవాహితా సక్త దశానన వినాశినే నమోస్తు దుఃఖ ధ్వంసాయ రామా యా పన్నివారిణే   13 రత్న సానునివాసైక వంద్య పాదాంబుజాయ చ నమస్త్ర్యై లోక్యనాథాయ రామా యా పన్నివారిణే        14 సంసార బంధ మొక్షైక  హేతు దామ ప్రకాశినే నమః కలశ సంహార్త్రే రామా యా పన్నివారిణే    15 పవనాశుగ సంక్షిప్త మారీచాది సురారయే నమో మఖ పరిత్రాత్రే రామా యా పన్నివారిణే    16 దామ్భి కేతర భక్తౌ షు మహానంద ప్రదాయినే నమః కమలనేత్రాయ రామా యా పన్నివారిణే    17 లోకత్ర యో ద్వేగకర కుంభ కర్ణ శిరశ్చిదే నమో నీరద దేహాయ రామా యా పన్నివారిణే     18 కాకాసురైక నయన హరల్లీ లాస్త్ర ధారిణే నమోభ క్తైక వేద్యాయ రామా యా పన్నివారిణే   19 భిక్షురూప సమాక్రాంత బలి సర్వైక సంపదే నమో వామన రూపాయ రామా యా పన్నివారిణే  20 రాజీవ నేత్ర సుస్పంద రుచిరాంగ సురోచి షే నమః కైవల్య నిధయే రామా యా పన్నివారిణే   21 మంద మారుత సంవీత మందార ద్రుమవాసినే నమః పల్లవ పాదాయ రామా యా పన్నివారిణే   22 శ్రీ కంట చాపద ళన ధురీణ బలబాహవే నమః సీతాను షక్తాయ రామా యా పన్నివారిణే   23
రాజరాజసు హృద్యో షార్చిత మంగళ మూర్తయే నమ ఇక్ష్వాకు వంశ్యాయ రామా యా పన్నివారిణే   24 మంజులాదర్శ విప్రేక్ష ణోత్సు కైక విలాసినే నమః పాలిత భక్త ర్తాయ రామా యా పన్నివారిణే       25 భూరి భూధర కోదండ మూర్తీ ధ్యేయ స్వరూపిణే | నమోస్తు తేజో నిధయే రామా యా పన్నివారిణే  26 యోగీంద్ర హృత్స రోజాత మధుపాయ మహాత్మనే | నమోరాజాధి రాజాయ రామా యా పన్నివారిణే     27 భూవ రాహ స్వరూపాయ నమో భూరి ప్రదాయినే నమో హిరణ్య గర్భాయ రామా యా పన్నివారిణే     28 యోషాంజలి వినిర్ముక్త లాజాంచిత వపుష్మతే | నమ స్సౌందర్య నిధయే రామా యా పన్నివారిణే  29 నఖకోటి వినిర్భిన్న దైత్యాది పతివక్షసే | నమో నృసింహ రూపాయ రామా యా పన్నివారిణే   30 మాయామానుష దేహాయ వేదో ద్దరణ హేతవే నమోస్తు మత్స్య రూపాయ రామా యా పన్నివారిణే  31 మితిశూన్య మహదివ్య మహిమ్నే మానితాత్మనే నమో బ్రహ్మస్వరూపాయ రామా యా పన్నివారిణే    32 అహంకారీ త ర జన స్వాంత సౌధ విహారిణే నమోస్తు చిత్స్వ రూపాయ రామా యా పన్నివారిణే   33 సీతాలక్ష్మణ సంశోభి పార్శ్యాయ పరమాత్మనే | నమః పట్టాభి షిక్తాయ రామా యా పన్నివారిణే     34 ఆపదామ పహర్తారం దాతారం సర్వసంపదామ్ లోకాభి రామం శ్రీరామం భూయో భూయో నమామ్యహమ్  35
ఫలస్తుతి
ఇమం స్తవం భగవతః పటేద్యః ప్రీత మానసః ప్రభాతే వా ప్రదోషే వా రామస్య పరమాత్మనః 1 సతు తీర్త్వా భావాంభోది మాపద స్సకలా అపి, రామసాయుజ్య మాప్నోతి దేవదేవ ప్రసాదతః 2 కారాగృహాది బాధాను సంప్రాప్తే బహు సంకటే , ఆపన్నివారక స్తోత్రం పటే ద్యస్తు యథావిధి    3 సంయోజ్యా ను ష్ట భం మంత్రమను శ్లోకం సమర న్విభుమ్, సప్తా హత్సర్వ  బాదాభ్యో ముచ్యతే నాత్ర సంశయః    4 ద్వాత్రింశ ద్వారా జపతః ప్రత్యహం తు దృడ వ్రతః వైశాఖే భాను మాలోక్య ప్రత్యహం శత సంఖ్యయా  5 ధనవాన్ ధనవ ప్రఖ్య స్పభవే న్నాత్ర సంశయః బహునాత్ర కిముక్తేన యం యం కామయతే నరః   6 తం తం కామ మవాప్నోతి స్తోత్రే ణానేన మానవః, యంత్ర పూజావిధానేన జపహోమాది తర్ప ణై:  7 యస్తు కుర్వీత సహసా సర్వాన్ కామా నాప్నుయాత్, ఇహలోకే సుఖీ భూత్వా పటే ముక్తో భవిష్యతి.    8

2.మండల ద్వాదశ స్తోత్రమ్

1 . శ్లో|| యన్మండ లందీ పతి కరం విశాలం
రత్న ప్రభంతీవ్ర మనాది రూపమ్|
దారిద్ర్య  దుఃఖ క్షయ కారణంచ
పునాతూమాంత త్స వితుర్వరేణ్యమ్ ||
2 . యన్మండలం దేవగణై స్సు పూజితం
విప్ర్యై స్తు తం మానవ ముక్తి కో విదమ్
తందేవ దేవం ప్రణమామి సూర్యం
పునాతూమాంత త్స వితుర్వరేణ్యమ్ ||
3 . యన్మండలం జ్ఞాన ఘనత్వ గమ్యం
త్ర్యైలోక్య పూజ్యం త్రిగునాత్మ రూపం
సమస్త తేజో మయ దివ్య రూపం
పునాతూమాంత త్స వితుర్వరేణ్యమ్ ||
4 . యన్మండలం గూడ యతి ప్రభోదం
ధర్మ స్య బుద్ధం జ్ఞం కురుతే జనానాం
త్యత్సర్వ పాపోయా కారణం చ
పునాతూమాంత త్స వితుర్వరేణ్యమ్ ||
4 . యన్మండలం గూడ యతిప్రబోధం
ధర్మ స్య బుద్ధ జం కురుతే జనానాం
తత్స ర్వ పాపోయా కారణం చ
పునాతూమాంత త్స వితుర్వరేణ్యమ్ ||
5 . యన్మండలం వ్యాధి వినాశద దక్షం
యద్రుగ్య జు స్సామ సుసంప్ర గీతం
ప్రకాశితం యేన చ భూర్భు వ స్స్వః
పునాతూమాంత త్స వితుర్వరేణ్యమ్ ||
6 . యన్మండలం వేద విదో వదంతి
గాయంతి య చ్చారణ సిద్ధ సంఘాః
యద్యోగి నో యోగ జుషాంచ సంఘాః
పునాతూమాంత త్స వితుర్వరేణ్యమ్ ||
7 . యన్మండలం సర్వ జనే షు పూజితం
జ్యోతిశ్చ కుర్యాది హమర్త్య లోకే
యత్కాలకాలాది మనాది రూపం
పునాతూమాంత త్స వితుర్వరేణ్యమ్ ||
8 . యన్మండలం విష్ణు చతుర్ము ఖాస్యం
యదక్షరం పాపహరం జనానాం
యత్కాల కల్ప క్ష య కారణం చ
పునాతూమాంత త్స వితుర్వరేణ్యమ్ ||
9 . యన్మండలం విశ్వ సృజాం ప్రసిద్ధం
ఉత్పత్తి రక్షా ప్రళయ ప్రగల్భం
యస్మిన్ జగత్సం హరతే ఖిలంచ
పునాతూమాంత త్స వితుర్వరేణ్యమ్ ||
10 . యన్మండలం సర్వగత స్యవిష్ణో:
ఆత్మా పరంధామ విశుద్ధ తత్త్వం
సూక్షాంత రైర్యోగ పథా నుగమ్యం
పునాతూమాంత త్స వితుర్వరేణ్యమ్ ||
11 . యన్మండలం బ్రహ్మ విదో వదంతి
గాయంతి చ్చారణ సిద్ధ సంఘాః
యన్మండలం వేద విద స్స్మరంతి
పునాతూమాంత త్స వితుర్వరేణ్యమ్ ||    
12 . యన్మండలం వేద వేదోపగీతం
యద్యోగినాం యోగ పథాను గమ్యం
తత్సర్య వేదం ప్రణమామి సూర్యం
పునాతూమాంత త్స వితుర్వరేణ్యమ్ ||
ఫలశ్రుతి:
శ్లో|| మండల ద్వాదశ స్తోత్రం యః పటే త్సతతం నరః
సర్వపాప విశుద్ధాత్మా సూర్యలోకే మహీయతే ||
                                                             
    హరి: ఓమ్ తత్ సత్
           సమాప్తం

1.శ్రీ స్వామి అయ్యప్ప స్తోత్రమ్

అరుణోదయ సంకాశం నీలకుండల ధారిణీమ్
నీలాంబరధరం దేవం వందే హం బ్రహ్మ నందనమ్
చాపబాణం వామహస్తే రౌప్య వీత్రం చ దక్షిణే
విల సత్కుండల ధరం వందే హం విష్ణు నందనమ్
వ్యాఘ్రారూడం రక్తనేత్రం స్వర్ణ మాలా విభూషణమ్
వీర పట్ట ధరం ఘోరం వందే హం శంభు నందనమ్
కింకిణ్యోడ్యాణ భూతేశం పూర్ణ చంద్ర నిభాననమ్
కి రావ రూప శాస్తాం రం వందే హం పాండ్య నందనమ్
భూత భేతాళ సంసేవ్యం కాంచనాద్రి నివాసినమ్
మణికంట మితి ఖ్యాంతం వందే హం శక్తి నందనమ్ ||

శ్రీ విష్ణు సహస్రనామ స్తోత్రమ్

 

ప్రార్థన
| శ్రీ లక్ష్మీ నృసింహ ప్రసన్న ||
| ఓం శ్రీ గణేశాయ నమః ||
|| ఓం ||
శుక్లాంబరధరం విష్ణుం శశివర్ణం చతుర్భుజం |
ప్రసన్నవదనం ధ్యాయేత్ సర్వవిఘ్నోపశాంతయే ||
వ్యాసం వసిష్ఠనప్తారం శక్తేః పౌత్రమకల్మషం |
పరాశరాత్మజం వందే శుకతాతం తపోనిధిం ||
వ్యాసాయ విష్ణురూపాయ వ్యాసరూపాయ విష్ణవే |
నమో వై బ్రహ్మనిధయే వాసిష్ఠాయ నమో నమః ||
అవికారాయ శుద్ధాయ నిత్యాయ పరమాత్మనే |
సదైకరూపరూపాయ విష్ణవే సర్వజిష్ణవే ||
యస్య స్మరణమాత్రేణ జన్మసంసారబంధనాత్ |
విముచ్యతే నమస్తస్మై విష్ణవే ప్రభవిష్ణవే ||
ఓం నమో విష్ణవే ప్రభవిష్ణవే
పూర్వ పీఠిక
శ్రీ వైశంపాయన ఉవాచ
శృత్వా ధర్మానశేషేణ పావనాని చ సర్వశః |
యుధిష్ఠిరః శాంతనవం పునరేవాభ్యభాషత || (1)
శ్రీ యుధిష్ఠిర ఉవాచ
కిమేకం దైవతం లోకే కిం వాప్యేకం పరాయణం |
స్తువంతః కం కమర్చంతః ప్రాప్నుయుర్మానవాః శుభం || (2)
కో ధర్మస్సర్వధర్మాణాం భవతః పరమో మతః |
కిం జపన్ముచ్యతే జంతుర్జన్మసంసారబంధనాత్ || (3)
శ్రీ భీష్మ ఉవాచ
జగత్ప్రభుం దేవదేవమనంతం పురుషోత్తమం |
స్తువన్నామసహస్రేణ పురుషస్సతతోత్థితః || (4)
తమేవ చార్చయన్నిత్యం భక్త్యా పురుషమవ్యయం |
ధ్యాయన్ స్తువన్నమస్యంశ్చ యజమానస్తమేవ చ || (5)
అనాది నిధనం విష్ణుం సర్వలోక మహేశ్వరం |
లోకాధ్యక్షం స్తువన్నిత్యం సర్వదుఃఖాతిగో భవేత్ || (6)
బ్రహ్మణ్యం సర్వధర్మజ్ఞం లోకానాం కీర్తివర్ధనం |
లోకనాథం మహద్భూతం సర్వభూతభవోధ్భవం || (7)
ఏష మే సర్వధర్మాణాం ధర్మోధికతమో మతః
యద్భక్త్యా పుండరీకాక్షం స్తవైరర్చేన్నరః సదా || (8)
పరమం యో మహత్తేజః పరమం యో మహత్తపః |
పరమం యో మహద్బ్రహ్మ పరమం యః పరాయణం || (9)
పవిత్రాణాం పవిత్రం యో మంగళానాం చ మంగళం |
దైవతం దేవతానాం చ భూతానాం యోఽవ్యయః పితా || (10)
యస్మింశ్చ ప్రళయం యాంతి పునరేవ యుగక్షయే || (11)
తస్య లోకప్రధానస్య జగన్నాథస్య భూపతే |
విష్ణోర్నామసహస్రం మే శ్రుణు పాపభయాపహం || (12)
యాని నామాని గౌణాని విఖ్యాతాని మహాత్మనః |
ఋషిభిః పరిగీతాని తాని వక్ష్యామి భూతయే || (13)
ఋషిర్నామ్నాం సహస్రస్య వేదవ్యాసో మహామునిః |
ఛందోనుష్టుప్ తథా దేవో భగవాన్ దేవకీసుతః || (14)
అమృతాంశూద్భవో బీజం శక్తిర్దేవకినందన: |
త్రిసామా హృదయం తస్య శాంత్యర్థే వినియుజ్యతే || (15)
విష్ణుం జిష్ణుం మహావిష్ణుం ప్రభవిష్ణుం మహేశ్వరం |
అనేకరూపదైత్యాంతం నమామి పురుషోత్తమం || (16)
సంకల్పము
అస్య శ్రీ విష్ణోర్దివ్యసహస్రనామస్తోత్రమహామంత్రస్య |
శ్రీ వేదవ్యాసో భగవాన్ ఋషిః |
అనుష్టుప్ ఛందః |
శ్రీమహావిష్ణుః పరమాత్మా శ్రీమన్నారాయణో దేవతా |
అమృతాంశూద్భవో భానురితి బీజం |
దేవకీనందనః స్రష్టేతి శక్తిః |
ఉధ్భవః క్షోభణో దేవ ఇతి పరమో మంత్రః |
శంఖభృన్నందకీ చక్రీతి కీలకం |
శార్‌ఙ్గధన్వా గదాధర ఇత్యస్త్రం |
రథాంగపాణిరక్షోభ్య ఇతి నేత్రం |
త్రిసామా సామగః సామేతి కవచం |
ఆనందం పరబ్రహ్మేతి యోనిః |
ఋతుస్సుదర్శన: కాల ఇతి దిగ్భంధః |
శ్రీ విశ్వరూప ఇతి ధ్యానం |
శ్రీమహావిష్ణుప్రీత్యర్థే సహస్రనామ జపే వినియోగః |
ధ్యానం
క్షీరోదన్వత్ప్రదేశే శుచిమణివిలసత్సైకతే మౌక్తికానాం
మాలాక్లుప్తాసనస్థః స్ఫటికమణినిభైర్మౌక్తికైర్మండితాంగ: |
శుభ్రైరభ్రైరదభ్రైరుపరివిరచితైర్ముక్తపీయూషవర్షైః
ఆనందీ నః పునీయాదరినళినగదాశంఖపాణిర్ముకుందః ||
భూః పాదౌ యస్య నాభిర్వియదసురనిలశ్చంద్రసూర్యౌ చ నేత్రే
కర్ణావాశాః శిరో ద్యౌర్ముఖమపి దహనో యస్య వాస్తేయమబ్ధిః |
అంతఃస్థం యస్య విశ్వం సురనరఖగగో భోగిగంధర్వదైత్యైః
చిత్రం రంరమ్యతే తం త్రిభువనవపుషం విష్ణుమీశం నమామి ||
ఓం నమో భగవతే వాసుదేవాయ |
శాంతాకారం భుజగశయనం పద్మనాభం సురేశం
వందే విష్ణుం భవభయహరం సర్వలోకైకనాథం ||
మేఘశ్యామం పీతకౌశేయవాసం
శ్రీవత్సాంకం కౌస్తుభోద్భాసితాంగం |
పుణ్యోపేతం పుండరీకాయతాక్షం
విష్ణుం వందే సర్వలోకైకనాథం ||
నమస్సమస్తభూతానామాదిభూతాయ భూభృతే |
అనేకరూపరూపాయ విష్ణవే ప్రభవిష్ణవే ||
సశంఖచక్రం సకిరీటకుండలం
సపీతవస్త్రం సరసీరుహేక్షణం |
సహారవక్షఃస్థలశోభికౌస్తుభం
నమామి విష్ణుం శిరసా చతుర్భుజం ||
ఛాయాయాం పారిజాతస్య హేమసింహాసనోపరి |
ఆసీనమంబుదశ్యామమాయతాక్షమలంకృతం ||
చంద్రాననం చతుర్బాహుం శ్రీవత్సాంకితవక్షసం |
రుక్మిణీసత్యభామాభ్యాం సహితం కృష్ణమాశ్రయే |
స్తోత్రము
|| హరిః ఓం ||
విశ్వం విష్ణుర్వషట్కారో భూతభవ్యభవత్ప్రభుః |
భూతకృద్భూతభృద్భావో భూతాత్మా భూతభావనః || (1)
పూతాత్మా పరమాత్మా చ ముక్తానాం పరమా గతిః |
అవ్యయః పురుషః సాక్షీ క్షేత్రజ్ఞోక్షర ఏవ చ || (2)
యోగో యోగవిదాం నేతా ప్రధానపురుషేశ్వరః |
నారసింహవపుః శ్రీమాన్ కేశవః పురుషోత్తమః || (3)
సర్వః శర్వః శివః స్థాణుర్భూతాదిర్నిధిరవ్యయః |
సంభవో భావనో భర్తా ప్రభవః ప్రభురీశ్వరః || (4)
స్వయంభూశ్శంభురాదిత్యః పుష్కరాక్షో మహాస్వనః |
అనాదినిధనో ధాతా విధాతా ధాతురుత్తమః || (5)
అప్రమేయో హృషీకేశః పద్మనాభోమరప్రభుః |
విశ్వకర్మా మనుస్వ్తష్టా స్థవిష్ఠస్స్థవిరో ధ్రువః || (6)
అగ్రాహ్యః శాశ్వతః కృష్ణో లోహితాక్షః ప్రతర్దనః |
ప్రభూతస్త్రికకుబ్ధామ పవిత్రం మంగళం పరం || (7)
ఈశానః ప్రాణదః ప్రాణో జ్యేష్ఠః శ్రేష్ఠః ప్రజాపతిః |
హిరణ్యగర్భో భూగర్భో మాధవో మధుసూదనః || (8)
ఈశ్వరో విక్రమీ ధన్వీ మేధావీ విక్రమః క్రమః |
అనుత్తమో దురాధర్షః కృతజ్ఞః కృతిరాత్మవాన్ || (9)
సురేశః శరణం శర్మ విశ్వరేతాః ప్రజాభవః |
అహః సంవత్సరో వ్యాళః ప్రత్యయస్సర్వదర్శనః || (10)
అజః సర్వేశ్వరః సిద్ధః సిద్ధిః సర్వాదిరచ్యుతః |
వృషాకపిరమేయాత్మా సర్వయోగవినిస్సృతః || (11)
వసుర్వసుమనాః సత్యః సమాత్మా సంమితః సమః |
అమోఘః పుండరీకాక్షో వృషకర్మా వృషాకృతిః || (12)
రుద్రో బహుశిరా బభ్రుర్విశ్వయోనిః శుచిశ్రవాః |
అమృతః శాశ్వతః స్థాణుర్వరారోహో మహాతపాః || (13)
సర్వగః సర్వవిద్భానుర్విష్వక్సేనో జనార్దనః |
వేదో వేదవిదవ్యంగో వేదాంగో వేదవిత్కవిః || (14)
లోకాధ్యక్షః సురాధ్యక్షో ధర్మాధ్యక్షః కృతాకృత: |
చతురాత్మా చతుర్వ్యూహశ్చతుర్దంష్ట్రశ్చతుర్భుజః || (15)
భ్రాజిష్ణుర్భోజనం భోక్తా సహిష్ణుర్జగదాదిజః |
అనఘో విజయో జేతా విశ్వయోనిః పునర్వసుః || (16)
ఉపేంద్రో వామనః ప్రాంశురమోఘః శుచిరూర్జితః |
అతీంద్రః సంగ్రహః సర్గో ధృతాత్మా నియమో యమ: || (17)
వేద్యో వైద్యః సదాయోగీ వీరహా మాధవో మధుః |
అతీంద్రియో మహామాయో మహోత్సాహో మహాబలః || (18)
మహాబుద్ధిర్మహావీర్యో మహాశక్తిర్మహాద్యుతిః |
అనిర్దేశ్యవపుః శ్రీమానమేయాత్మా మహాద్రిధృక్ || (19)
మహేష్వాసో మహీభర్తా శ్రీనివాసః సతాం గతిః |
అనిరుద్ధః సురానందో గోవిందో గోవిదాం పతిః || (20)
మరీచిర్దమనో హంసః సుపర్ణో భుజగోత్తమః |
హిరణ్యనాభః సుతపాః పద్మనాభః ప్రజాపతి: || (21)
అమృత్యుః సర్వదృక్సింహః సంధాతా సంధిమాన్ స్థిరః |
అజో దుర్మర్షణః శాస్తా విశ్రుతాత్మా సురారిహా || (22)
గురుర్గురుతమో ధామః సత్యః సత్యపరాక్రమః |
నిమిషోనిమిషః స్రగ్వీ వాచస్పతిరుదారధీః || (23)
అగ్రణీర్గ్రామణీః శ్రీమాన్ న్యాయో నేతా సమీరణః |
సహస్రమూర్ధా విశ్వాత్మా సహస్రాక్షః సహస్రపాత్ || (24)
ఆవర్తనో నివృత్తాత్మా సంవృతః సంప్రమర్దనః |
అహః సంవర్తకో వహ్నిరనిలో ధరణీధరః || (25)
సుప్రసాదః ప్రసన్నాత్మా విశ్వధృగ్విశ్వభుగ్విభుః |
సత్కర్తా సత్కృతః సాధుర్జహ్నుర్నారాయణో నరః || (26)
అసంఖ్యేయోప్రమేయాత్మా విశిష్టః శిష్టకృచ్ఛుచిః |
సిద్ధార్థః సిద్ధసంకల్పః సిద్ధిదః సిద్ధిసాధనః || (27)
వృషాహీ వృషభో విష్ణుర్వృషపర్వా వృషోదరః |
వర్ధనో వర్ధమానశ్చ వివిక్తః శ్రుతిసాగరః || (28)
సుభుజో దుర్ధరో వాగ్మీ మహేంద్రో వసుదో వసుః |
నైకరూపో బృహద్రూపః శిపివిష్టః ప్రకాశనః || (29)
ఓజస్తేజోద్యుతిధరః ప్రకాశాత్మా ప్రతాపనః |
ఋద్ధః స్పష్టాక్షరో మంత్రశ్చంద్రాంశుర్భాస్కరద్యుతిః || (30)
అమృతాంశూద్భవో భానుః శశబిందుః సురేశ్వరః |
ఔషధం జగతః సేతుః సత్యధర్మపరాక్రమః || (31)
భూతభవ్యభవన్నాథః పవనః పావనోనలః |
కామహా కామకృత్ కాంతః కామః కామప్రదః ప్రభుః || (32)
యుగాదికృద్యుగావర్తో నైకమాయో మహాశనః |
అదృశ్యోవ్యక్తరూపశ్చ సహస్రజిదనంతజిత్ || (33)
ఇష్టోవిశిష్టః శిష్టేష్టః శిఖండీ నహుషో వృషః |
క్రోధహా క్రోధకృత్కర్తా విశ్వబాహుర్మహీధరః || (34)
అచ్యుతః ప్రథితః ప్రాణః ప్రాణదో వాసవానుజః |
అపాం నిధిరధిష్ఠానమప్రమత్తః ప్రతిష్ఠితః || (35)
స్కందః స్కందధరో ధుర్యో వరదో వాయువాహనః |
వాసుదేవో బృహద్భానురాదిదేవః పురందరః || (36)
అశోకస్తారణస్తారః శూరః శౌరిర్జనేశ్వరః |
అనుకూలః శతావర్తః పద్మీ పద్మనిభేక్షణః || (37)
పద్మనాభోరవిందాక్షః పద్మగర్భః శరీరభృత్ |
మహర్ద్ధిర్ఋద్ధో వృద్ధాత్మా మహాక్షో గరుడధ్వజః || (38)
అతులః శరభో భీమః సమయజ్ఞో హవిర్హరిః |
సర్వలక్షణలక్షణ్యో లక్ష్మీవాన్ సమితింజయః || (39)
విక్షరో రోహితో మార్గో హేతుర్దామోదరస్సహః |
మహీధరో మహాభాగో వేగవానమితాశనః || (40)
ఉద్భవః క్షోభణో దేవః శ్రీగర్భః పరమేశ్వరః |
కరణం కారణం కర్తా వికర్తా గహనో గుహః || (41)
వ్యవసాయో వ్యవస్థానః సంస్థానః స్థానదో ధ్రువః |
పరర్ద్ధిః పరమస్పష్టస్తుష్టః పుష్టః శుభేక్షణః || (42)
రామో విరామో విరతో (విరజో) మార్గో నేయో నయోనయః |
వీరః శక్తిమతాం శ్రేష్ఠో ధర్మో ధర్మవిదుత్తమః || (43)
వైకుంఠః పురుషః ప్రాణః ప్రాణదః ప్రణవః పృథుః |
హిరణ్యగర్భః శత్రుఘ్నో వ్యాప్తో వాయురధోక్షజః || (44)
ఋతుః సుదర్శనః కాలః పరమేష్ఠీ పరిగ్రహః |
ఉగ్రః సంవత్సరో దక్షో విశ్రామో విశ్వదక్షిణః || (45)
విస్తారః స్థావరఃస్థాణుః ప్రమాణం బీజమవ్యయం |
అర్థోనర్థో మహాకోశో మహాభోగో మహాధనః || (46)
అనిర్విణ్ణః స్థవిష్ఠోభూర్ధర్మయూపో మహామఖః |
నక్షత్రనేమిర్నక్షత్రీ క్షమః క్షామః సమీహనః || (47)
యజ్ఞ ఇజ్యో మహేజ్యశ్చ క్రతుః సత్రం సతాం గతిః |
సర్వదర్శీ విముక్తాత్మా సర్వజ్ఞోజ్ఞానముత్తమం || (48)
సువ్రతః సుముఖః సూక్ష్మః సుఘోషః సుఖదః సుహృత్ |
మనోహరో జితక్రోధో వీరబాహుర్విదారణః || (49)
స్వాపనస్స్వవశో వ్యాపీ నైకాత్మా నైకకర్మకృత్ |
వత్సరో వత్సలో వత్సీ రత్నగర్భో ధనేశ్వరః || (50)
ధర్మగుబ్ధర్మకృద్ధర్మీ సదసత్క్షరమక్షరం |
అవిజ్ఞాతా సహస్రాంశుర్విధాతా కృతలక్షణః || (51)
గభస్తినేమిః సత్త్వస్థః సింహో భూతమహేశ్వరః |
ఆదిదేవో మహాదేవో దేవేశో దేవభృద్గురుః || (52)
ఉత్తరో గోపతిర్గోప్తా జ్ఞానగమ్యః పురాతనః |
శరీరభూతభృద్భోక్తా కపీంద్రో భూరిదక్షిణః || (53)
సోమసోమృతపః సోమః పురుజిత్ పురుసత్తమః |
వినయో జయః సత్యసంధో దాశార్హస్సాత్వతాం పతిః || (54)
జీవో వినయితాసాక్షీ ముకుందోమితవిక్రమః |
అంభోనిధిరనంతాత్మా మహోదధిశయోంతకః || (55)
అజో మహార్హః స్వాభావ్యో జితామిత్రః ప్రమోదనః |
ఆనందో నందనో నందః సత్యధర్మా త్రివిక్రమః || (56)
మహర్షిః కపిలాచార్యః కృతజ్ఞో మేదినీపతిః |
త్రిపదస్త్రిదశాధ్యక్షో మహాశృంగః కృతాంతకృత్ || (57)
మహావరాహో గోవిందః సుషేణః కనకాంగదీ |
గుహ్యో గభీరో గహనో గుప్తశ్చక్రగదాధరః || (58)
వేధాస్స్వాంగోజితః కృష్ణో దృఢస్సంకర్షణోచ్యుతః |
వరుణో వారుణో వృక్షః పుష్కరాక్షో మహామనాః || (59)
భగవాన్ భగహానందీ వనమాలీ హలాయుధః |
ఆదిత్యో జ్యోతిరాదిత్యః సహిష్ణుర్గతిసత్తమః || (60)
సుధన్వా ఖండపరశుర్దారుణో ద్రవిణప్రదః |
దివస్పృక్ సర్వదృగ్వ్యాసో వాచస్పతిరయోనిజః || (61)
త్రిసామా సామగః సామ నిర్వాణం భేషజం భిషక్ |
సంన్యాసకృచ్ఛమశ్శాంతో నిష్ఠా శాంతిః పరాయణం || (62)
శుభాంగః శాంతిదః స్రష్టా కుముదః కువలేశయః |
గోహితో గోపతిర్గోప్తా వృషభాక్షో వృషప్రియః || (63)
అనివర్తీ నివృత్తాత్మా సంక్షేప్తా క్షేమకృచ్ఛివః |
శ్రీవత్సవక్షాః శ్రీవాసః శ్రీపతిః శ్రీమతాం వరః || (64)
శ్రీదః శ్రీశః శ్రీనివాసః శ్రీనిధిః శ్రీవిభావనః |
శ్రీధరః శ్రీకరః శ్రేయః శ్రీమాన్ లోకత్రయాశ్రయః || (65)
స్వక్షః స్వంగః శతానందో నందిర్జ్యోతిర్గణేశ్వరః |
విజితాత్మా విధేయాత్మా సత్కీర్తిశ్ఛిన్నసంశయః || (66)
ఉదీర్ణః సర్వతశ్చక్షురనీశః శాశ్వతస్థిరః |
భూశయో భూషణో భూతిర్విశోకశ్శోకనాశనః || (67)
అర్చిష్మానర్చితః కుంభో విశుద్ధాత్మా విశోధనః |
అనిరుద్ధోప్రతిరథః ప్రద్యుమ్నోమితవిక్రమః || (68)
కాలనేమినిహా వీరః శౌరిః శూరజనేశ్వరః |
త్రిలోకాత్మా త్రిలోకేశః కేశవః కేశిహా హరిః || (69)
కామదేవః కామపాలః కామీ కాంతః కృతాగమః |
అనిర్దేశ్యవపుర్విష్ణుర్వీరోనంతో ధనంజయః || (70)
బ్రహ్మణ్యో బ్రహ్మకృద్బ్రహ్మా బ్రహ్మ బ్రహ్మవివర్ధనః |
బ్రహ్మవిద్బ్రాహ్మణో బ్రహ్మీ బ్రహ్మజ్ఞో బ్రాహ్మణప్రియః || (71)
మహాక్రమో మహాకర్మా మహాతేజా మహోరగః |
మహాక్రతుర్మహాయజ్వా మహాయజ్ఞో మహాహవిః || (72)
స్తవ్యః స్తవప్రియః స్తోత్రం స్తుతిః స్తోతా రణప్రియః |
పూర్ణః పూరయితా పుణ్యః పుణ్యకీర్తిరనామయః || (73)
మనోజవస్తీర్థకరో వసురేతా వసుప్రదః |
వసుప్రదో వాసుదేవో వసుర్వసుమనా హవిః || (74)
సద్గతిః సత్కృతిః సత్తా సద్భూతిః సత్పరాయణః |
శూరసేనో యదుశ్రేష్ఠః సన్నివాసః సుయామునః || (75)
భూతావాసో వాసుదేవస్సర్వాసునిలయోనలః |
దర్పహా దర్పదో దృప్తో దుర్ధరోథాపరాజితః || (76)
విశ్వమూర్తిర్మహామూర్తిర్దీప్తమూర్తిరమూర్తిమాన్ |
అనేకమూర్తిరవ్యక్తః శతమూర్తిః శతాననః || (77)
ఏకో నైకః సవః కః కిం యత్తత్పదమనుత్తమం |
లోకబంధుర్లోకనాథో మాధవో భక్తవత్సలః || (78)
సువర్ణవర్ణో హేమాంగో వరాంగశ్చందనాంగదీ |
వీరహా విషమః శూన్యో ఘృతాశీరచలశ్చలః || (79)
అమానీ మానదో మాన్యో లోకస్వామీ త్రిలోకధృత్ |
సుమేధా మేధజో ధన్యః సత్యమేధా ధరాధరః || (80)
తేజోవృషో ద్యుతిధరః సర్వశస్త్రభృతాం వరః |
ప్రగ్రహో నిగ్రహో వ్యగ్రో నైకశృంగో గదాగ్రజః || (81)
చతుర్మూర్తిశ్చతుర్బాహుశ్చతుర్వ్యూహశ్చతుర్గతిః |
చతురాత్మా చతుర్భావశ్చతుర్వేదవిదేకపాత్ || (82)
సమావర్తోనివృత్తాత్మా దుర్జయో దురతిక్రమః |
దుర్లభో దుర్గమో దుర్గో దురావాసో దురారిహా || (83)
శుభాంగో లోకసారంగః సుతంతుస్తంతువర్ధనః |
ఇంద్రకర్మా మహాకర్మా కృతకర్మా కృతాగమః || (84)
ఉద్భవః సుందరః సుందో రత్ననాభస్సులోచనః |
అర్కో వాజసనః శృంగీ జయంతః సర్వవిజ్జయీ || (85)
సువర్ణబిందురక్షోభ్యః సర్వవాగీశ్వరేశ్వరః |
మహాహ్రదో మహాగర్తో మహాభూతో మహానిధిః || (86)
కుముదః కుందరః కుందః పర్జన్యః పావనోనిలః
అమృతాంశోమృతవపుస్సర్వజ్ఞః సర్వతోముఖః || (87)
సులభః సువ్రతః సిద్ధః శత్రుజిచ్ఛత్రుతాపనః |
న్యగ్రోధోదుంబరోశ్వత్థశ్చాణూరాంధ్రనిషూదనః || (88)
సహస్రార్చిః సప్తజిహ్వః సప్తైధాః సప్తవాహనః |
అమూర్తిరనఘోచింత్యో భయకృద్భయనాశనః || (89)
అణుర్బృహత్కృశః స్థూలో గుణభృన్నిర్గుణో మహాన్ |
అధృతస్స్వధృతస్వాస్థ్యః ప్రాగ్వంశో వంశవర్ధనః || (90)
భారభృత్ కథితో యోగీ యోగీశః సర్వకామదః |
ఆశ్రమః శ్రమణః క్షామః సుపర్ణో వాయువాహనః || (91)
ధనుర్ధరో ధనుర్వేదో దండో దమయితా దమః |
అపరాజితస్సర్వసహో నియంతా నియమో యమః || (92)
సత్త్వవాన్ సాత్త్వికః సత్యః సత్యధర్మపరాయణః |
అభిప్రాయః ప్రియార్హోర్హః ప్రియకృత్ ప్రీతివర్ధనః || (93)
విహాయసగతిర్జ్యోతిః సురుచిర్హుతభుగ్విభుః |
రవిర్విరోచనః సూర్యః సవితా రవిలోచనః || (94)
అనంతో హుతభుగ్భోక్తా సుఖదో నైకదోగ్రజః |
అనిర్విణ్ణః సదామర్షీ లోకాధిష్ఠానమద్భుతః || (95)
సనాత్సనాతనతమః కపిలః కపిరవ్యయః |
స్వస్తిదః స్వస్తికృత్ స్వస్తి స్వస్తిభుక్ స్వస్తిదక్షిణః || (96)
అరౌద్రః కుండలీ చక్రీ విక్రమ్యూర్జితశాసనః |
శబ్దాతిగః శబ్దసహః శిశిరః శర్వరీకరః || (97)
అక్రూరః పేశలో దక్షో దక్షిణః క్షమిణాం వరః |
విద్వత్తమో వీతభయః పుణ్యశ్రవణకీర్తనః || (98)
ఉత్తారణో దుష్కృతిహా పుణ్యో దుఃస్వప్ననాశనః |
వీరహా రక్షణస్సంతో జీవనః పర్యవస్థితః || (99)
అనంతరూపోనంతశ్రీర్జితమన్యుర్భయాపహః |
చతురశ్రో గభీరాత్మా విదిశో వ్యాదిశో దిశః || (100)
అనాదిర్భూర్భువో లక్ష్మీస్సువీరో రుచిరాంగదః |
జననో జనజన్మాదిర్భీమో భీమపరాక్రమః || (101)
ఆధారనిలయోధాతా పుష్పహాసః ప్రజాగరః |
ఊర్ధ్వగస్సత్పథాచారః ప్రాణదః ప్రణవః పణః || (102)
ప్రమాణం ప్రాణనిలయః ప్రాణభృత్ ప్రాణజీవనః |
తత్త్వం తత్త్వవిదేకాత్మా జన్మమృత్యుజరాతిగః || (103)
భూర్భువఃస్వస్తరుస్తారః సవితా ప్రపితామహః |
యజ్ఞో యజ్ఞపతిర్యజ్వా యజ్ఞాంగో యజ్ఞవాహనః || (104)
యజ్ఞభృద్యజ్ఞకృద్యజ్ఞీ యజ్ఞభుగ్యజ్ఞసాధనః |
యజ్ఞాంతకృద్యజ్ఞగుహ్యమన్నమన్నాద ఏవ చ || (105)
ఆత్మయోనిః స్వయంజాతో వైఖానః సామగాయనః |
దేవకీనందనః స్రష్టా క్షితీశః పాపనాశనః || (106)
శంఖభృన్నందకీ చక్రీ శార్ఙ్గధన్వా గదాధరః |
రథాంగపాణిరక్షోభ్యః సర్వప్రహరణాయుధః || (107)
|| శ్రీ సర్వప్రహరణాయుధ ఓం నమః ఇతి ||
వనమాలీ గదీ శార్ఙ్గీ శంఖీ చక్రీ చ నందకీ |
శ్రీమాన్ నారాయణో విష్ణుర్వాసుదేవోభిరక్షతు ||
వనమాలీ గదీ శార్ఙ్గీ శంఖీ చక్రీ చ నందకీ |
శ్రీమాన్ నారాయణో విష్ణుర్వాసుదేవోభిరక్షతు ||
వనమాలీ గదీ శార్ఙ్గీ శంఖీ చక్రీ చ నందకీ |
శ్రీమాన్ నారాయణో విష్ణుర్వాసుదేవోభిరక్షతు ||
||శ్రీ వాసుదేవోభిరక్షతు ఓం నమః ఇతి ||
ఫలశ్రుతిః
ఇతీదం కీర్తనీయస్య కేశవస్య మహాత్మనః |
నామ్నాం సహస్రం దివ్యానామశేషేణ ప్రకీర్తితం || (1)
య ఇదం శృణుయాన్నిత్యం యశ్చాపి పరికీర్తయేత్ |
నాశుభం ప్రాప్నుయాత్ కించిత్ సోముత్రేహ చ మానవః || (2)
వేదాంతగో బ్రాహ్మణః స్యాత్ క్షత్రియో విజయీ భవేత్ |
వైశ్యో ధనసమృద్ధః స్యాత్ శూద్రస్సుఖమవాప్నుయాత్ || (3)
ధర్మార్థీ ప్రాప్నుయాద్ధర్మం అర్థార్థీ చార్థమాప్నుయాత్ |
కామానవాప్నుయాత్ కామీ ప్రజార్థీ చాప్నుయాత్ ప్రజాం || (4)
భక్తిమాన్ యః సదోత్థాయ శుచిస్తద్గతమానసః |
సహస్రం వాసుదేవస్య నామ్నామేతత్ ప్రకీర్తయేత్ || (5)
యశః ప్రాప్నోతి విపులం యాతి ప్రాధాన్యమేవ చ |
అచలాం శ్రియమాప్నోతి శ్రేయః ప్రాప్నోత్యనుత్తమం || (6)
న భయం క్వచిదాప్నోతి వీర్యం తేజశ్చ విందతి |
భవత్యరోగో ద్యుతిమాన్ బలరూపగుణాన్వితః || (7)
రోగార్తో ముచ్యతే రోగాద్బద్ధో ముచ్యేత బంధనాత్ |
భయాన్ముచ్యేత భీతస్తు ముచ్యేతాపన్న ఆపదః || (8)
దుర్గాణ్యతితరత్యాశు పురుషః పురుషోత్తమం |
స్తువన్నామసహస్రేణ నిత్యం భక్తిసమన్వితః || (9)
వాసుదేవాశ్రయో మర్త్యో వాసుదేవపరాయణః |
సర్వపాపవిశుద్ధాత్మా యాతి బ్రహ్మ సనాతనం || (10)
న వాసుదేవభక్తానామశుభం విద్యతే క్వచిత్ |
జన్మమృత్యుజరావ్యాధిభయం నైవోపజాయతే || (11)
ఇమం స్తవమధీయానః శ్రద్ధాభక్తిసమన్వితః |
యుజ్యేతాత్మాసుఖక్షాంతిశ్రీధృతిస్మృతికీర్తిభిః || (12)
న క్రోధో న చ మాత్సర్యం న లోభో నాశుభా మతిః |
భవంతి కృతపుణ్యానాం భక్తానాం పురుషోత్తమే || (13)
ద్యౌస్సచంద్రార్కనక్షత్రా ఖం దిశో భూర్మహోదధిః |
వాసుదేవస్య వీర్యేణ విధృతాని మహాత్మనః || (14)
ససురాసురగంధర్వం సయక్షోరగరాక్షసం |
జగద్వశే వర్తతేదం కృష్ణస్య సచరాచరం || (15)
ఇంద్రియాణి మనో బుద్ధిః సత్త్వం తేజో బలం ధృతిః |
వాసుదేవాత్మకాన్యాహుః క్షేత్రం క్షేత్రజ్ఞ ఏవ చ || (16)
సర్వాగమానామాచారః ప్రథమం పరికల్య్పతే |
ఆచారప్రభవో ధర్మో ధర్మస్య ప్రభురచ్యుతః || (17)
ఋషయః పితరో దేవా మహాభూతాని ధాతవః |
జంగమాజంగమం చేదం జగన్నారాయణోద్భవం || (18)
యోగో జ్ఞానం తథా సాంఖ్యం విద్యాః శిల్పాదికర్మ చ |
వేదాశ్శాస్త్రాణి విజ్ఞానమేతత్సర్వం జనార్దనాత్ || (19)
ఏకో విష్ణుర్మహద్భూతం పృథగ్భూతాన్యనేకశః |
త్రీన్‌లోకాన్వ్యాప్య భూతాత్మా భుంక్తే విశ్వభుగవ్యయః || (20)
ఇమం స్తవం భగవతో విష్ణోర్వ్యాసేన కీర్తితం |
పఠేద్య ఇచ్ఛేత్పురుషః శ్రేయః ప్రాప్తుం సుఖాని చ || (21)
విశ్వేశ్వరమజం దేవం జగతః ప్రభుమవ్యయం |
భజంతి యే పుష్కరాక్షం న తే యాంతి పరాభవం || (22)
|| న తే యాంతి పరాభవం ఓం నమ ఇతి ||
అర్జున ఉవాచ
పద్మపత్ర విశాలాక్ష పద్మనాభ సురోత్తమ |
భక్తానామనురక్తానాం త్రాతా భవ జనార్దన ||
శ్రీ భగవానువాచ
యో మాం నామసహస్రేణ స్తోతుమిచ్ఛతి పాండవ |
సోహమేకేన శ్లోకేన స్తుత ఏవ న సంశయః ||
|| స్తుత ఏవ న సంశయ ఓం నమ ఇతి ||
వ్యాస ఉవాచ
వాసనాద్వాసుదేవస్య వాసితం భువనత్రయం |
సర్వభూతనివాసోసి వాసుదేవ నమోస్తు తే ||
|| శ్రీవాసుదేవ నమోస్తుత ఓం నమ ఇతి ||
పార్వత్యువాచ
కేనోపాయేన లఘునా విష్ణోర్నామసహస్రకం |
పఠ్యతే పండితైర్నిత్యం శ్రోతుమిచ్ఛామ్యహం ప్రభో ||
ఈశ్వర ఉవాచ
శ్రీరామ రామ రామేతి రమే రామే మనోరమే |
సహస్రనామతత్తుల్యం రామనామ వరాననే ||
శ్రీరామ రామ రామేతి రమే రామే మనోరమే |
సహస్రనామతత్తుల్యం రామనామ వరాననే ||
శ్రీరామ రామ రామేతి రమే రామే మనోరమే |
సహస్రనామతత్తుల్యం రామనామ వరాననే ||
|| శ్రీ రామనామ వరానన ఓం నమ ఇతి ||
బ్రహ్మోవాచ
నమోస్త్వనంతాయ సహస్రమూర్తయే
సహస్రపాదాక్షిశిరోరుబాహవే |
సహస్రనామ్నే పురుషాయ శాశ్వతే
సహస్రకోటియుగధారిణే నమః ||
|| సహస్రకోటియుగధారిణే నమ ఓం నమ ఇతి ||
సంజయ ఉవాచ
యత్ర యోగేశ్వరః కృష్ణో యత్ర పార్థో ధనుర్ధరః |
తత్ర శ్రీర్విజయో భూతిర్ధ్రువా నీతిర్మతిర్మమ ||
శ్రీభగవానువాచ
అనన్యాశ్చింతయంతో మాం యే జనాః పర్యుపాసతే |
తేషాం నిత్యాభియుక్తానాం యోగక్షేమం వహామ్యహం ||
పరిత్రాణాయ సాధూనాం వినాశాయ చ దుష్కృతాం |
ధర్మసంస్థాపనార్థాయ సంభవామి యుగే యుగే ||
ఆర్తా విషణ్ణాః శిథిలాశ్చ భీతాః
ఘోరేషు చ వ్యాధిషు వర్తమానాః |
ఈశ్వర ఉవాచ
సంకీర్త్య నారాయణశబ్దమాత్రం
విముక్తదుఃఖాః సుఖినో భవంతి ||
కాయేన వాచా మనసేంద్రియైర్వా
బుద్ధ్యాత్మనా వా ప్రకృతేః స్వభావాత్ |
కరోమి యద్యత్ సకలం పరస్మై
నారాయణాయేతి సమర్పయామి ||
|| ఓం శాంతిః శాంతిః శాంతిః ||

శ్రీ విష్ణు పంచాయుధ స్తోత్రమ్

 

స్ఫురత్స హస్రార శిఖాతితీ వ్రం - సుదర్శనం భాస్కర కోటి తుల్యం |
సురద్విషాం ప్రాణవినాశ విష్ణో - శ్చక్రం సదాహం శరణం ప్రపద్యే         1
విష్ణోర్ముఖో త్ధానిల పూరితస్య - యస్య ధ్వనిర్దా నవ దర్పహంతా |
తంపాంచ జన్యం శత కోటి శుభ్రం - శంఖం సదాహం శరణం ప్రపద్య    2
హిరణ్మయీం మేరు సమాన సారం - కౌమోద కీం దైత్యకు లైక హంత్రీం |
వైకుంట నామాగ్ర కరాభి మరుష్టాం - గదాం సదాహం శరణం ప్రపద్యే   3
రక్షో సురాణాం కటినోగ్ర కంట - చ్చేదక్షర చ్చోణితదిగ్ద ధారామ్ |
తంనందకం నామ హరేః ప్రదీప్తం - ఖడ్గం సదాహం శరణం ప్రపద్యే     4
యజ్ఞ్యాని నాదశ్వరణా త్సురాణాం - చేతాంసి నిర్ముక్త భయాని సద్యః |
భవంతి దైత్యాశ నిబాణవర్షై: - శార్ జ్గ సదాహం శరణం ప్రపద్యే           5
ఇమం హరేః పంచ మహాయుధానాం - స్తవం పటేద్యో సుదినం ప్రభాతే |
సమస్త దుఃఖాని భయానితస్య - పాపాని నశ్యంతి సుఖాని సంతి         6
వనేరణే శత్రు జలాగ్నిమధ్యే - యదృచ్చ యాపత్సు మహాభయేషు |
ఇదం పటన్ స్తోత్ర మనాకులాత్మా - సుఖీ భవేత్ తత్కరత సర్వ రక్షః  7  
సచ్చక్రశంఖం గదాఖడ్గ శార్ జ్గణం - పీతాంబరం కౌస్తు భవత్స లాంఛితం |
శ్రియా సమేతోజ్జ్వల శోభితాంగం - విష్ణుం సదాహం శరణం ప్రపద్యే        8
జలే రక్షతు వావాహః - స్థలే రక్షతు వామనః |
అటవ్యాం నార సింహశ్చ - సర్వతః పాతు కేశవః   9
          ఇతి పంచాయుధ స్తోత్రమ్.

శ్రీ పరమేశ్వర స్తోత్రమ్

నమః కనక లింగాయ వేద లింగాయ వైనమః
నమః పరమ లింగాయ వ్యోమలింగాయ వైనమః  1
నమ స్సహస్ర లింగాయ వహ్నిలింగాయ వైనమః
నమః పురాణ లింగాయ శ్రుతిలింగాయ వైనమః  2
నమః పాతాళ లింగాయ బ్రహ్మ లింగాయ వైనమః
నమో రహస్య లింగాయ సప్త ద్వీపోర్ద్వ లింగినే   3
నమ స్సర్వాత్మ లింగాయ సర్వ లోకాంగ లింగినే
నమస్త్వ వ్యక్త లింగాయ బుద్ద లింగాయ వైనమః 4
నమోహంకార లింగాయ భూత లింగాయ వైనమః
నమ ఇంద్రియ లింగాయ సమస్తన్మాత్ర లింగినే  5
నమః పురుష లింగాయ భావ లింగాయ వైనమః
నమో రజోర్ద్వ లింగాయ సత్త్వలింగాయ వైనమః 6
నమస్తే భవ లింగాయ నమస్త్రై గుణ్య లింగినే
నమోనాగ లింగాయ తేజో లింగాయ వైనమః    7
నమో వాయ్వర్ద లింగాయ శ్రుతిలింగాయ వైనమః
నమస్తే ధర్మ లింగాయ సామలింగాయ వైనమః 8
నమో యజ్ఞాంగ లింగాయ యజ్ఞ లింగాయ వైనమః
నమస్తే తత్త్వ లింగాయ దేవానుగత లింగినే    9
దిశనః పరమం యోగ మపత్యం మత్సమం తధా
బ్రహ్మ చైవాక్ష యమదేవ శమం చైవ పరం విభో
అక్షయత్వం చవంశస్య ధర్మేచ మతి మక్ష యామ్ 10
అగ్నిః || వసిష్టేన స్తుత శ్శంభుస్తుష్ట  శ్శ్రీపర్వతే పురా
వసిష్టాయ వరందత్వా | తత్రై వాంతరధ యత     11

అహల్యా కృత శ్రీరామ స్తోత్రమ్

(ఆథ్యాత్మ రామాయణాంతర్గతము)
అహొ కృతార్దా స్మి జగన్నివాస! తే
పాదాబ్జ సంలగ్నరజః కణాదహం
స్ప్రుశామి - యత్పద్మజ శంకరాది భి
ర్విమ్రుగ్యతే రంజితమాన సైస్సదా.
ఆహొ విచిత్రం తవరామ! చేష్టితం!
మనుష్యభావనే విమోహితం జగత్
చలస్యజ స్రం చలనాది వర్జిత
స్సంపూర్ణ ఆనంద మయోతి మాయికః
యత్పాద పంకజ పరాగ పవిత్ర గాత్రా
భాగీరథీ భావ విరించి ముఖాన్ పునాతి
సాక్షాత్స ఏవ మమ దృగ్విషయో య దాస్తే
కిం వర్ణ్యతే మమ పురాకృత భాగధేయమ్
మర్త్యావతారే మనుజాకృతిం హరిం
రామాభి ధేయం రమణీయ దేహినమ్
ధనుర్ధరం పద్మ విశాలలోచనం
భజామి నిత్యం న పరాన్భ జిష్యే
యత్పాద పంకజర జః శ్రుతిభిం కర్విమృగ్యమ్
యాన్నాభి పంకజభవః కమలాసనశ్చ
యన్నామసార రసికో భగవాన్పురారి
స్తం రామాచంద్ర మనిశం హృది భావయామి
యస్యా తారచరితాని విరించి లోకే
గాయన్తి నారద  ముఖా భవ పద్మజాద్యాః
ఆనన్ద జాశ్రు పరిషిక్త కుచాగ్ర సీమా
వాగీశ్వరీ చ త మహం శరణం ప్రపద్యే

సోయం పరాత్మా పురుషః పురాణః
ఏష స్వయం జ్యోతి రనంత ఆద్యః
మయాతనుం లోక విమోహనీయాం
ధత్తే స్వతంత్రః పరిపూర్ణ ఆత్మా
నమోస్తుతే రామ! త వాంఘ్రి పంకజం
శ్రియా ధృతం వక్ష సిలాలితం ప్రియాత్
ఆక్రాంత మేకేన జగత్ర్రయం  పురా
ధ్యేయం మునీంద్ర్యై  రభిమాన వర్జితై:
జగతా మాది భూతస్త్వం - జగత్వం జగదాశ్రయః
సర్వభూతే ష్వ సంయుక్త ఏకో భాతి భావాన్పరః
ఓంకార వాచ్యస్త్వం రామ! వాచా మవిషయః పుమాన్
వాచ్య వాచక భే దేన భావానేవ జగన్మయః
కార్యకారణ కర్తృత్వ ఫలసాధన భేదతః
ఏకో విభాసిరామత్వం మాయయా బహురూపయా
త్వన్మాయా మొహితధియ స్త్వాం న జానన్తి తత్వతః
మానుషం త్వాభి మన్యన్తే మాయినం పరమేశ్వరమ్
ఆకాశవత్వం సర్వత్ర బహిరంత స్స్థితో మలః
అసంగో హ్యచాలో నిత్యః శుద్దో బుద్ధః సదవ్యయః
యోషి న్మూడాహ మజ్ఞాతే తత్వం జానే కథం విభో
తస్మాతే శతశో రామ! నమ స్కుర్యా మనన్యది:
దేవ! మేయత్ర కుత్రాపి సితాయా ఆపి సర్వదా
తత్వాద కమలే సక్తా భక్తి రేవ సదాస్తు మే
నమస్తే పురుషాధ్య క్ష నమస్తే భక్తవత్సల
నమస్తేస్తు హృషీకేశ ! నారాయణ ! నమోస్తుతే
భవభయహర మేకం భానుకోటి ప్రకాశం
కరధృత శరచాపం రత్న వత్కున్డ లాడ్యం|

కమలవిశద నేత్రం సానుజం రామమీడే.
సుత్వైవం పురుషం సాక్షా ద్రాఘవం పురుతః స్థితమ్
పరిక్రమ్య ప్రణమ్యాశు సానుజ్ఞాతా యయౌ పతిమ్
అహల్యయా కృతం స్తోత్రం యః పటే ద్భక్తి సంయుతః |
పముచ్యతేఖిలై: పాపై: పరం బ్రహ్మాధి గచ్చతి.
పుత్రాద్యర్దే పటే ద్భక్తా రామం హృది నిధాయ చ
సంవత్సరే ణ లభతే వంధ్యా చాపి సుపుత్రకమ్
సర్వా న్కామా నవాప్నోతి రామచంద్ర ప్రసాదతః
బ్రహ్మ ఘ్నో గురుతల్ప గోపి పురుషః స్తే యీ సురాపోపి వా |
మాత్రు భ్రాత్రు విహిం సకోపి సతతంభో గైక బద్ధతురః
నిత్యం స్తోత్ర మిదం జపన్ రఘుపతిం భక్త్యా హృది స్థం స్మరన్|
ధ్యాయన్ముక్తి ముపైతికం పున రసౌ స్వాచార యుక్తో నరః

                      ఇతి అహల్యాకృత శ్రీరామ స్తోత్రమ్ సంపూర్ణం